Einstæður

Framundan hjá mér er kvenmannslaus vika af því að Íris verður við verslunarstörf á Egilsstöðum og Norðfirði fram á laugardag.  Þetta þýðir að ég verð einstæður faðir en það hentar mér illa að því leyti að þá hef ég minni tækifæri til að sinna frístundaverkefnunum. Hljómsveitaræfingar, karlakórsæfingar og útihlaup verða sennilega að bíða betri tíma.  Ég ræddi það reyndar við Írisi að það væri gott að hafa aðra konu upp á að hlaupa þegar hún færi svona í burtu.  Ég myndi ekki gera neinar sérstakar kröfur nema um notagildi en aðallega snýst þetta um barnaumönnun.  Annað skiptir minna máli, þó að horft verði til annarra kosta ef mikil ásókn yrði í þetta.
Telma er í skólanum í vikunni þannig að hún mun ekki passa fyrir mig þessa vikuna.  Hún var reyndar heima um helgina og “vinur” hennar kom í heimsókn.  Fyrsta svoleiðis heimsóknin.  Hann er reyndar af ágætum ættum þannig að ef að á að nota hann til undaneldis er erfðaefnið í lagi.
Kannski er bara ágætt að hvíla sig á tómstundunum öðru hvoru en í alvöru talað þá sé ég fram á að þetta verði bara notalegt og skemmtilegt hjá okkur feðginum.  Já, og einmitt núna þarf ég að fara að setja meiri sykur út á skyrið.

Athugasemdir

[Húsmóðir, 25.10.2011 kl. 12:43]

Myndi þvertaka fyrir allar svona "vina" heimsóknir - allavega þar til Telma verður 37. Ef það á sér stað einhver blöndun á erfðaefni þá gætir þú setið uppi með að vera rígbundinn afi heima við.

Og eins og allir vita eru afar og ömmur (sérstaklega afar) alltaf til í að fórna sínum frístundum til þess að vera heima með barnabörn.

[telma (IP-tala skráð) 31.10.2011 kl. 23:58]

hahahah andskotans!!!