Heim

Æji ég ætlaði að vera búinn að setja þetta hérna inn fyrir nokkru síðan en þetta var tekið á Barkanum 2012 einhvern tímann um miðjan febrúar.  Þarna er Telma ásamt Ásbirni að syngja lagið Home með Edward Sharpe & the magnetic Zeros með íslenskum texta eftir pabba hennar Telmu.  Þau stóðu sig með prýði og öll keppnin var hin besta skemmtun, vonandi gefst tækifæri til að fara aftur á Barka einhvern tímann síðar. 

 

Allir krakkarnir sem tóku þátt í þessu stóðu sig vel en Djúpavogskrakkarnir voru áberandi 6 eintök kepptu auk þess að vera uppistaðan í hljómsveitinni.  Sigurlagið var líka vel flutt en Vigdís söng lagið The Story með Brandi Carlile, lag sem ég hafði ekki heyrt áður en er alveg fínasta lag og alltaf er nú gaman að uppgötva ný lög.