Mannætan frá Liverpool

Sanngjarnt bann eða ekki?  Það eru margar skoðanir á því.  Eðlilega eru menn ósáttir við að missa leikmenn í bann en það er ekki við neinn annan að sakast en leikmanninn sjálfan.  Hver veit nema að þeir láti aftur prenta boli honum til stuðnings, það verður tíminn að leiða í ljós.  Þeir eru fáir sem efast um knattspyrnuhæfileika hans en er að mörgu leiti gallagripur.   Hann er kannski ekki eini leikmaðurinn sem dýfir sér, hann er kannski ekki eini leikmaðurinn sem traðkar á öðrum, hann er kannski ekki eini leikmaðurinn sem hefur farið allt of seint í tæklingu, hann er kannski ekki eini leikmaðurinn sem hefur handleikið knöttinn viljandi, hann er kannski ekki eini leikmaðurinn sem hefur ögrað áhorfendum andstæðinganna, hann er ekki eini leikmaðurinn sem hefur verið sakaður um kynþáttaníð, hann er kannski ekki eini leikmaðurinn sem hefur slegið andstæðing og hann er ekki eini leikmaðurinn sem hefur bitið andstæðing en ég man ekki eftir neinum í fljótu bragði sem hefur afrekað að gera þetta allt saman. 

Liverpool ósátt við bann Suárez

Athugasemdir

[Björn Jónsson, 24.4.2013 kl. 21:05]

Satt segirðu.

Meir að segja Cantona kemst varla með tærnar þar sem þessi hefur tennurnar.

En, hvað sem það er, þá virðist oft góðum leikmönnum eiga erfitt með að hemja skap sitt.