Áskoranir

Marco Baldissera 27 ára Ítali sem fór hringinn í kringum Ísland á hjólabrettir lét hafa eftirfarandi eftir sér: "Þegar maður skorar á sjálfan sig, eru hlutirnir aldrei auðveldir og þessi ferð var engin undantekning.  Það voru óteljandi skipti þar sem þetta var rosalega erfitt og maður spurði sig hvað maður væri eiginlega að gera.  En í hvert skipti sem hlutirnir verða erfiðir þarf maður að finna ástæðu til þess að halda áfram og sækja í jákvæða orku innan með sér.  En ég held að það sé eina leiðin til þess að sjá hvort maður vill virkilega gera eitthvað eða ekki."

Nákvæmlega þetta er ég búinn að upplifa síðustu mánuði fjarri öllu sem mér er kært en vitandi það að mótlæti og erfiðleikar herða mann þarf oft að leggja töluvert á sig til þess að ná árangri og til þess að framfarir verði og vonandi kemur maður betri maður til baka.

Annars er þetta sérstaklega viðeigandi á þessum föstudegi:

Ísland sýnir enga miskunn

Athugasemdir

[Magnús Sigurðsson, 11.7.2015 kl. 09:05]

Sæll Kristján, það sem ekki drepur mann herðir mann. Það er búið að vera áhuygavert að fylgjast með bloggunum þínum frá Orkneyjum, sennilega áttu eftir að búa að þeirri miklu reynslu sem þú öðlast þar alla æfi, burtséð frá laxeldinu. Til hamingju með afastelpuna.

[S Kristján Ingimarsson, 11.7.2015 kl. 18:07]

Kærar þakkir Magnús. Vonandni eiga málshættirnir sveltur sitjandi kráka en fljúgandi fær og heimskt er heimaalið barn að einhverju leiti við þetta ævintýri og ef mér skjátlast ekki er orðið heimskur upphaflega dregið af því að sitja alltaf heima en kynna sér ekki það sem er utan þeirra veggja eða eitthvað í þá áttina.  Allavega til þess að öðlast víðsýni og þekkingu þarf að leita hennar.