Subway

Þar sem ég hef orðið fyrir vonbrigðum með Subway á Egilsstöðum fannst mér ekki hægt annað en að láta viðeigandi aðila vita af því.

Góðan dag. 

Ég heit Kristján og bý á Djúpavogi og er mikill aðdáandi Subway, því gladdist ég mjög þegar Subway opnaði á Egilsstöðum.  Ég hef tvisvar farið þangað en í bæði skiptin orðið fyrir vonbrigðum, í fyrra skiptið var afgreiðslan svo hæg að stöðug biðröð var þrátt fyrir að ekki væru margir að koma inn, í hitt skiptið var staðurinn sjálfur mjög subbulegur gólfið skítugt, rusl á öllum borðum sem enginn sat þó við auk þess sem rusl var upp á afgreiðsluborði, við gosvél og rusladall og skítugt kæliborð þaðan sem áleggið er afgreitt. Við ákváðum að taka varninginn sem við keyptum með af því að við höfðum ekki lyst á að neyta hans inni á staðnum. Ég vona að þið takið þessar athugasemdir til skoðunar en ég vildi láta ykkur vita af þessu þar sem það hlýtur að vera ykkar vilji að staðirnir ykkar séu allir í topp standi eins og ég er vanur hjá Subway.

Ég veit um fleiri sem hafa svipaða sögu að segja,sjá hér:

http://olafurbj.blog.is/blog/olafurbj/entry/605213/

og hér:

http://www.raudhausar.com/jonknutur/?p=475

Ég vona að þetta verði til þess að staðurinn ykkar á Egilsstöðum batni og að ég og fleiri verðum ánægðir viðskiptavinir Subway á Egilsstöðum í framtíðinni.

Bestu kveðjur,

Kristján Ingimarsson

Búlandi 4

765 Djúpivogur

 

Sæll Kristján,

Takk fyrir að láta okkur vita af þessu.  Það er stefna okkar að gæði, hreinlæti og þjónusta séu alltaf til fyrirmyndar á Subway stöðunum.  Því er mjög gott að fá að vita þegar hlutirnir eru ekki í lagi hjá okkur.  Við munum gera nauðsynlegar úrbætur fyrir austan til að koma staðnum í gott lag.  Mig langar að senda þér frímiða á Subway og þá biðja þig um að gefa mér comment á næstu heimsókn þína á Subway?

Með bestu kveðjum / With kind regards,
Gunnar Skúli Guðjónsson
Framkvæmdastjóri / General Manager
Stjarnan ehf / Subway Iceland Inc.

Athugasemdir

[Íris Dögg (IP-tala skráð) 4.9.2008 kl. 13:33]

Ætlaru að fara inn með frímiðann þannig að allir starfsmenn staðarins vita að þetta varst þú? Og fá væna hráku á sub-inn?

[S Kristján Ingimarsson, 4.9.2008 kl. 21:04]

Niii ætli maður geti tekið sénsinn á hráku sub.  Maður verður sennilega að mæta á svæðið dulbúinn sem runni til þess að ekki verði tekið eitthvað sérstaklega eftir manni.