Slátrun

Í morgun klukkan fjögur héldum við úr höfn til þess að slátra fyrsta skammti vetrarins af eldisþorski  Um hádegi komum við í land með rúm fimm tonn en Öðlingur SU var þá búinn að ferja svipað magn í land fyrr um morguninn.  Fiskurinn fer svo á Akranes í nótt og verður flakaður þar og hnakkastykkin verða send til Evrópu þangað sem þau verða komin á þriðjudag.  Í fyrramálið klukkan fjögur verður leikurinn svo endurtekinn en í heildina reiknum við með að slátra milli 40 og 50 tonnum.  Veðrið í morgun var með besta móti logn en örlítið ísskæni þakti fjörðinn.  Það var eigi all ófögur sjón að sjá sólina koma upp í fjarðarminninu eins og sjá má á meðfylgjandi myndum.

 

Athugasemdir

[Fjóla Björnsdóttir, 31.12.2008 kl. 20:30]

Takk takk.....

fyrir góðar kveðjur og Frábærara myndir úr Berufirðinum, einum fallegasta stað á Íslandi.  Bið mikið vel að heilsa öllum og sérstakar kveðjur til mömmu þinnar og pabba.

gleðilegt ár.

Fjóla og co.