Tröllin í fjöllunum

Ekki viðraði til þess að fara í fjörðinn í dag.  Á mánudaginn hins vegar skartaði fjörðurinn sínu fegursta og það var nú ekkert öðruvísi en það, að tröllin í fjöllunum tóku á móti okkur þegar við sigldum inn eftir eins og sjá má á þessari mynd.  Sennilega eru þetta þau skötuhjú Bera og Sóti og mér þykir líklegra að Bera sé þessi sem er nær og líkist górillu og Sóti kallinn sé fjær, að sligast undan þungum kassa sem hann heldur á fyrir Beru.