Gengið um jarðarberjaakra

Í gær var smalað á Búlandsdal en veðrið var ekki neitt sérstaklega hagstætt, skafrenningur og kalt.  Sums staðar var autt en sumstaðar óð maður snjóinn í klof.  Í þessu íslenska vetrarveðri ómaði "Strawberry fields forever" í hausnum á mér, frekar miklar andstæður þar.  Ekki gekk neitt sérstaklega vel að koma blessuðum kindunum til byggða í þessu færi en íslenska sauðkindin er ekki vel hönnuð fyrir svona aðstæður, kemst ekkert áfram í snjó, og svo þyngja þær sig verulega með því að hlaða á sig mörgum kílóum af snjó og klaka.  Þetta er nú fjári skemmtilegt samt og vonandi kemst maður í fleiri smalanir fljótlega. 

Í dag er svo hvíldardagur, væntanlega mest innandyra, enda kuldalegt um að litast úti.  Ég læt nú veðrið ekki fara í taugarnar á mér en fer þessi vetur samt ekki að verða búinn.

 

Athugasemdir

[Jóhann Atli (IP-tala skráð) 4.10.2009 kl. 19:51]

Þessar myndir lýsa ástandinu alveg helvíti vel. Skúli Ben smalaði 14 kindum útúr dalnum í dag sem við pabbi hjálpuðum honum við að koma yfir hálsana.