Skattar

Einn af kostunum við að vinna hér í Skotlandi er að hér eru lægri skattar en á Íslandi.  Tekjuskattur er 20% og hér er ekkert verið að flækja hlutina með skattkortum, persónuafslætti, uppsöfnuðum persónuafslætti eða öðru þess háttar.  Bara 20% tekjuskattur. Reyndar eru tvö skattþrep en þeir sem eru með svimandi háar tekjur eru í hærra skattþrepi og borga hátekjuskatt.  Maður tekur því eftir því að stærsti hluti þeirra launa sem maður vinnur sér inn skila sér í vasann en á Íslandi finnst manni einhvernveginn að maður fái bara helminginn af þeim launum sem maður vinnur sér inn en Bjarni Ben og félagar fá hinn hlutann. 

Þetta er samt skref í rétta átt en betur má ef duga skal.  Það var líka góð ráðstöfun að lækka tolla á fatnaði og fleiru og vonandi skilar það sér til neytenda, það er ekki hagstætt fyrir íslendinga að verslanir eins og H&M og Primark, sem ekki eru með verslanir á Íslandi, séu samt þær verslanir sem Íslendingar versla mest af sínum fatnaði hjá.

Skattar á Íslandi eru of háir og kerfið of flókið en auðvitað þarf ríkið að fá sinn skerf.  Bara ef væri hægt að lækka tekjuskatt og skattleggja í staðinn nöldur, heimskuleg komment á netsíðum, tillitsleysi í umferðinni og fleira í þeim dúr, þá yrði heimurinn kannski enn betri.

 

Engin skattkort og álagningu flýtt

Athugasemdir

[Erla Magna Alexandersdóttir, 24.11.2015 kl. 11:54]

Sæll. Eg var að lesa bloggið þitt.

  Það er ein mesta kjarabót RIKISSTJÓRNAR sem ekkert gerir annað en að viða að ser peningum áður en þeim verður sparkað að tala um niðurfellingu skatta af fatnaði.

  ÞAÐ ERU ENGIR SKATTAR Á FATNAÐI FRAMLEIDDUM INNAN ESB- OG HEFUR EKKI VERIÐ !

   KV. FRÁ MAFÍURIKINU !

[Már Elíson, 29.11.2015 kl. 21:37]

Já, takk fyrir þetta blogg þitt, Sveinn, les það alltaf þegar ný grein kemur inn. Einhvernvegin svo upplýsandi og skemmtilegt. Erla - Það er eiginlega enginn fatnaður framleiddur innan EBS - Hann er meira og minna allur framleiddur utan þess, í ASÍU, af litlu börnunum með litlu hendurnar, langa vinnutímann, sem sofa undir vinnuborðunum, og eru læst inni ef og þegar kviknar í. - Hélt að þú vissir þetta. - Þessvegna er varan svona "dýr"...Ég meina, hvernig er hægt að gefa "allt að" 70-80% afslátt á útsölum ? - Varan (föt) á Íslandi eru með mörg hundruð prósenta álagningu (3-400% a.m.k.). - Meira að segja föt í Evrópu, t.d. Englandi og Spáni eru 3svar sinnum lægri eða meira, hvort sem það er ZARA, PRIMARK, H&M eða hver sem er. - Ég er nú karlmaður sem að öllu jöfnu pæli ekki mikið í þessu, en þegar ég kaupi mér eitthvað erlendis þá verð ég var við þetta með viðmiðun við Ísland. - Það eru 183.00 manns sem borga skatta á Íslandi (nýséðar tölur) og landið þarf að halda uppi velferðarkerfi, sem það ræðum um þessar stundir alls ekiki við, og í viðbót líka fyrir austræna og allra þjóða útlendinga sem eru á sníkjunni og í spilakössunum hér og rúmlega 8.000 atvinnulausa (blandað fólk).

Öfunda þig , Sveinn, en hafðu það gott og haltu áfram að skrifa. - Fín bligg hjá þér. Búinn að lesa þau öll frá byrjun. 

[S Kristján Ingimarsson, 29.11.2015 kl. 22:01]

Takk fyrir þetta innlegg