Kók eða Pepsi

Í dag er 8. maí og það er merkilegur dagur í viðskipta og markaðssögu þessa heims.  Það var einmitt á þessum degi árið 1886 sem að Coca-Cola var sett fyrst á markað af heiðursmanninum John Pemberton.  Þessi gjörningur hans leiddi svo eins og allir vita til einnar lengstu styrjaldar sem háð hefur verið, þ.e. stríðið um kólamarkaðinn milli kók og pepsi.  Pepsi var sett á markað árið 1898 og þar með var stríðið hafið þó að menn hafi kannski ekki gert sér grein fyrir því á þeim tíma.  Árið 1933 bauðst Coca-Cola fyrirtækinu að kaupa Pepsi fyrirtækið en þeir höfnuðu því og hafa væntanlega nagað sig í handarkrikana eftir það en við búum ennþá við harða samkeppni milli þessara fyrirtækja og það líður vart sá dagur, að við verðum ekki vör við Pepsi eða Kók á einhvern hátt, í auglýsingum, sjónvarpsefni í verslun eða á annan hátt.  Þá er það bara spurningin, Kók eða Pepsi?

Athugasemdir

[Eiður Ragnarsson, 9.5.2009 kl. 16:11]

Ég var nú virkur þáttakandi í þessu stríði í fimm ár, og ég held að það sé hvergi meiri samkeppni á íslenskum markaði en á milli þessara fyrirtækja, og sennilega er það víðar. 

Það góða er þó að ekki er mikið mannfall í þessari styrjöld, en tannheilsa unglinga og barna er sennilega það sem fórnað hefur verið hvað mest í þessu stríði...