Allir vegir ekki færir

Halló.

í norðanrokinu í dag skrapp ég á Egilsstaði.   Til stóð að ég myndi halda fyrirlestur um fuglaskoðun á leiðsögumannanámskeiði en námskeiðinu var frestað fram í apríl þannig að það bíður betri tíma.  Aðalerindið var samt að sækja krakkana mína en þau verða hjá mér um páskana.  Því miður var ekki hægt að fara stystu leið af því að Öxi var lokuð og er búin að vera það um nokkurra vikna skeið.  Vonandi kemur sá dagur fyrr en síðar að maður geti keyrt þarna um allan ársins hring þó að maður eigi kannski bara að gleðjast yfir þeim 11 mánuðum sem það er hægt eins og staðan er núna.  Ekki var heldur fært næst stystu leiðina, um Breiðdalsheiði vegna hálku og skafrennings þannig að lengsta leiðin varð fyrir valinu í þetta skiptið og Austfirðirnir voru þræddir í enn eitt skiptið.  Það er frekar fúlt að þurfa að keyra 150 kílómetrum lengra en þörf væri á.  Ég held að vegakerfið okkar sé eitt að versta í Evrópu en best að fara ekki nánar út í það, engin ástæða til þess að pirra sig á svona smámálum.

Bless

Athugasemdir

[Ingþór (IP-tala skráð) 15.3.2008 kl. 13:43]

Ég hélt að Íslendingar hefðu versta vegakerfi í Evrópu, en frændur okkar Norðmenn slá það út,  þeir hafa ömurlegt vegakerfi. Einbreiða vegi, hámarkshraði 80 km (fyrir utan smá spotta við Osló) að keyra frá Bergen til Osló sem eru 496 km tekur u.þ.b. 8 tíma.

View Larger Map

Kv Ingþór

[S Kristján Ingimarsson, 15.3.2008 kl. 14:09]

Já ég held samt að tvíbreiðir vegir með einbreiðum brúm, ómalbikaður þjóðvegur 1 sem er ennþá holóttur þrátt fyrir að nýbúið sé að hefla og tveggja akgreina vegur með mörgum hámarkshröðum hljómar ekkert svakalega vel.