Lúðrasveitin

Ég tók mig til í gær og kíkti á tónleika á Hótel Framtíð.  Það var alveg fínt, en Stórsveit Samúels J Samúelssonar tróð þar upp á Hammondhátíð sem nú stendur hér yfir.  Þetta er nú ekki tónlist sem höfðar til mín en maður verður nú að láta sjá sig á allavega einum tónleikum þegar hátíð er í bæ, auk þess sem í þessari sveit er valinn maður í hverju rúmi en þeir eru ekki færri en 17.  Annars er ég hundfúll yfir að hljómsveitin Dallas hafi ekki verið látin spila á hátíðinni auk þess sem mér fannst vanta meira rokk í þessa hátíð eða eitthvað fyrir yngri kynslóðina en svona er nú þetta, maður vill nú stundum hafa hlutina öðruvísi en þeir eru.  Ég tók upp um klukkutíma af tónleikunum en þar sem ekkert lag er undir tíu mínútum kem ég þeim ekki inn á Youtube að svo stöddu en í staðinn klippti ég út trommusóló Helga Helgasonar sem er tvær mínútur.

Athugasemdir

[Ásta Björk Solis, 4.5.2008 kl. 16:01]

Skiladu kvedju til Ingimars fra mer hann var skolastjorinn minn thegar eg var unglingur.Bid lika ad heilsa Thorir fraenda mins a hotel Framtid

[S Kristján Ingimarsson, 4.5.2008 kl. 16:10]

Takk fyrir það, ég skila kveðju til pabba og hótelstjórans.

[Húsmóðir, 4.5.2008 kl. 22:22]

Saknaði þess að sjá þig ekki á föstudagskvöldinu líka - saknaði þín samt ekki nógu mikið til að kíkja í heimsókn   

Ótrúlega gaman - bæði á hátíðinni og eins að koma austur. - Legg hér með inn beiðni fyrir kaffi þegar ég kem næst.

[S Kristján Ingimarsson, 5.5.2008 kl. 07:41]

Beiðni móttekin, stefnan er að mæta á allt næst.